Қазақстан әскери қуаты бойынша рейтингте Әзірбайжанның алдына шықты

Global Fire Power Қазақстанның әскери қуаты индексін 0,88 балмен бағалап, рейтингте 133 елдің арасынан  55-орынға шықты, деп хабарлайды LS.

Порталдың мәліметтері бойынша, 18 млн халықтың ішінде 106,5 мыңнан астамы әскери адам екені анықталды. Оның ішінде, 74,5 мың адам – белсенді әскери қызметшілер, 32 мыңы – қордағы әскери қызметшілер. Әуе күштерінде 239 әуе кемесі бар, оның 91-і жауынгер, 142-і шабуылдаушы ұшақ. Қазақстан әскері 300 жауынгерлік танк, 1600 брондалған автокөлікпен, 285 өздігінен жүретін артиллериямен және 393 зымыран проектормен жабдықталған.

Сонымен қатар, Қазақстанның мұнай қорлары рейтингте жоғары бағаланды. Себебі олар әскери әрекеттерді жүргізуде маңызды рөл атқарады.

Марокко мен Финляндия рейтингте Қазақстанның көршілері болды. Сонымен бірге, Қазақстан Қырғызстан, Тәжікстан және Әзірбайжаннан асып түсті. Беларусь пен Украина 49 және 30-орындарда орналасты.

Рейтингтің көшбасшысы АҚШ, екіншісі Ресей, үшінші орын Қытайға тиесілі. Алғашқы ондыққа Египет, Германия, Түркия, Жапония, Ұлыбритания, Франция және Үндістан енді.

News, Рейтинг

Related Articles

0 Comment

Leave a Comment

Ваш e-mail не будет опубликован. Обязательные поля помечены *